სანოტარო ბიუროებს, ძირითადად, დოკუმენტების სისწორის დასადასტურებლად მიმართავენ

საქართველოს ნოტარიუსებმა 2009 წლის ექვსი თვის განმავლობაში ქვეყნის ტერიტორიაზე 640 177 სანოტარო მოქმედება შეასრულეს. აქედან 332 423 მოქმედება თბილისში შესრულდა, აღმოსავლეთ საქართველოში - 119 379, დასავლეთ საქართველოში - 71 792, აფხაზეთის ავტონომიური რესპუბლიკის ნოტარიუსთა მიერ - 53 044, აჭარის ავტონომიური რესპუბლიკის ნოტარიუსთა მიერ - 63 539 სანოტარო მოქმედება.
მოქალაქეები სანოტარო ბიუროებს, უმეტესად, ხელნაწერის ნამდვილობის დასადასტურებლად და დოკუმენტის ერთი ენიდან მეორეზე  თარგმანის სისწორის დასამოწმებლად  მიმართავენ.
ნოტარიუსთა პალატამ ზუსტი სტატისტიკური მონაცემების აღრიცხვა 2007 წლის აპრილიდან დაიწყო, რის შედეგადაც, შესაძლებელი გახდა გაანალიზება, მოქალაქეებს ყველაზე ხშირად რა სახის მომსახურების გაწევა სჭირდებათ.