ნოტარიუსთა პალატასა და „ევროპის იურისტ სტუდენტთა ასოციაცია საქართველო“-ს შორის ურთიერთანამშრომლობის მემორანდუმი გაფორმდა

საქართველოს ნოტარიუსთა პალატასა და „ევროპის იურისტ სტუდენტთა ასოციაცია საქართველო“-ს შორის დღეს ურთიერთანამშრომლობის მემორანდუმი გაფორმდა.
თანამშრომლობა სტუდენტებისთვის ხარისხიანი იურიდიული განათლების მიღებასა და პროფესიულ წინსვლაში დახმარებას ისახავს მიზნად. მემორანდუმის საფუძველზე, ასოციაციის წევრ სტუნდეტებს ნოტარიუსთა პალატასა და სანოტარო ბიურობში სტაჟირების გავლის საშუალება მიეცემათ, რაც სამომავლოდ მათ დასაქმებას შეუწყობს ხელს.
საქართველოს ნოტარიუსთა პალატა უმაღლეს სასწავლებლებთან აქტიურად თანამშრომლობს. ურთიერთთანამშრომლობის მემორანდუმები გაფორმდა ხუთ უმაღლეს სასწავლებელთან. სანოტარო ბიუროებში პრაქტიკული სწავლება თბილისის ივ. ჯავახიშვილის სახელობის სახელმწიფო უნივერსიტეტისა და საქართველოს ტექნიკური უნივერსიტეტის იურიდიული ფაკულტეტის სტუდენტებმა უკვე გაიარეს და მათ შესაბამისი სერტიფიკატებიც მიიღეს.