სამოქალაქო საქმეებში სამართლებრივი დახმარების საკითხებზე ქართულ-ჩეხურ ფორუმზე იმსჯელეს

პირველი ქართულ-ჩეხური სამართლებრივი ფორუმი  საქართველოს იუსტიციის მინისტრმა რატი ბრეგაძემ და ჩეხეთის იუსტიციის მინისტრმა პაველ ბლაჟეკმა გახსნეს.
ფორუმის ფარგლებში განიხილეს ორი ქვეყნის სამართლებრივი სისტემების თავისებურებები, მათ შორის, ნოტარიუსების მიერ სამოქალაქო საქმეებში სამართლებრივი დახმარების თემები.
საერთაშორისო პრაქტიკის გაზიარება და პროფესიული კუთხით საერთაშორისო სტანდარტების შესაბამისად საქმიანობა, საქართველოს ნოტარიუსთა პალატის  პრიორიტეტია.

პირველ ქართულ-ჩეხურ სამართლებრივ ფორუმს ორი ქვეყნის იუსტიციის სამინისტროს, სასამართლოს, პროკურატურის და ადვოკატთა ასოციაციის წარმომადგენელებთან ერთად ნოტარიუსთა პალატის გამგეობის თავმჯდომარე ეკატერინე ნანდოშვილი, თავმჯდომარის მოადგილე მარიკა გოგოლაძე, ნოტარიუსთა პალატის აღმასრულებელი დირექტორი ინგა ქომეთიანი  და იურიდიული და ადამიანური რესურსების მართვის სამსახურების წარმომადგენლები დაესწრნენ.