საქართველოს ნოტარიუსთა პალატაში საკანონმდებლო ცვლილებებზე იმსჯელეს

საქართველოს ნოტარიუსთა პალატაში “სასოფლო-სამეურნეო დანიშნულების მიწის ნაკვეთის საკუთრების შესახებ" კანონში განხორციელებულ ცვლილებებზე იმსჯელეს.

საკანონმდებლო ცვლილების თანახმად, შეჩერდა იმ პუნქტის მოქმედება, რომლის მიხედვით სასოფლო-სამეურნეო დანიშნულების მიწაზე საკუთრების უფლება ჰქონდა უცხოელს, საზღვარგარეთ რეგისტრირებულ იურიდიულ პირსა და უცხოელის მიერ საქართველოში რეგისტრირებულ იურიდიულ პირს.

შეხვედრა, რომელსაც პალატის გამგეობის წევრებთან ერთად სხვა ნოტარიუსებიც ესწრებოდნენ, პალატის გამგეობის თავმჯდომარის მარიკა გოგოლაძის ინიციავიტივთ ჩატარდა. ნოტარიუსებმა იმსჯელეს, აღნიშნული საკანონმდებლო ცვლილების საფუძველზე რა შეიცვლება სამემკვიდრეო საქმისწარმოებაში, კერძოდ, სამკვიდრო მოწმობის გაცემისას და საერთო პოზიციების ფორმირებაზე შეჯერდნენ.