სიახლეები

საქართველოს ნოტარიუსთა პალატის გამგეობის თავმჯდომარე მარიკა გოგოლაძე ნოტარიატის რეფორმის შედეგად დანიშნულ ნოტარიუსებთან შეხვედრებს აგრძელებს. დღეს იგი ცაგერისა და ვანის მუნიციპალიტეტებში დანიშნულ ნოტარიუსებს ეწვია და მათ საქმიანობას ადგილზე გაეცნო.  

დღეიდან ნოტარიუსებიც აქტიურად ჩაერთვებიან მიწის სისტემური რეგისტრაციის საპილოტო პროექტში და 12 სოფლის მოსახლეობას ადგილზე მოემსახურებიან.  აღნიშნული პროექტის განხორციელება სოფელ მანგლისიდან დაიწყო.

საპილოტო პროექტი საქართველო იუსტიციის სამინისტროს ინიციატივით დაწყებული, მიწის რეგისტრაციის სახელმწიფო რეფორმის მეორე ეტაპია, რომელსაც საჯარო რეესტრის ეროვნული სააგენტო ახორციელებს. აღნიშნულ პროცესში ნოტარიუსების ჩართვა მნიშვნელოვნად გაამარტივებს და დააჩქარებს მიწის რეგისტრაციის პროცესს.

ნოტარიუსები მოსახლეობას რამდენიმე სერვისს სთავაზობენ:

საქართველოს ნოტარიუსთა პალატის გამგეობის თავმჯდომარე მარიკა გოგოლაძე ბორჯომში ნოტარიატის რეფორმის შედეგად დანიშნულ ნოტარიუსს შეხვდა და მის საქმიანობას ადგილზე გაეცნო.

საქართველოს ნოტარიუსთა პალატა აგრძელებს აქციას: „სამართლებრივი რჩევები უფასოდ“. შეხვედრები უკვე გაიმართა მუხაესტატეს, კაჭრეთის, ჩაქვისა და კაბალის საზოგადოებრივ ცენტრებში. ამჯერად ნოტარიუსები მოსახლეობას კოდაში შეხვდნენ, სადაც შეხვედრის ერთ-ერთი მთავარი თემა გარიგების გაფორმება იყო. ნოტარიუსებმა მოქალაქეებს სანოტარო წესით დამოწმებული გარიგების ხელშეკრულების უპირატესობები გააცნეს. შეხვედრაზე ხაზგასმით აღინიშნა, რომ ნოტარიუსი თანაბრად იცავს ხელშეკრულების ნებისმიერი მხარის ინტერესს, ის განმარტავს უფლებებს, მოვალეობებს, ხელშეკრულების შინაარსს. აფრთხილებს მხარეებს, რა შედეგი შეიძლება მოჰყვეს ვალდებულებების შეუსრულებლობას.თავად უზრუნველყოფს იპოთეკის ხელშეკრულების საჯარო რეესტრში რეგისტრაციას და მოქალაქეს აღარ უწევს იუსტიციის სახლსა თუ საჯარო რეეესტრის ეროვნულ სააგენტოში წასვლა. ხელშეკრულებით გათვალისწინებული ვალდებულების შეუსრულებლობის შემთხვევაში კი, ნოტარიუსი სააღსრულებო ფურცელს გასცემს და მოქალაქეს სასამართლოსთვის მიმართვა აღარ სჭირდება.

აქცია „სამართლებრივი რჩევები უფასოდ“ ამჯერად ჩაქვის საზოგადოებრივ ცენტრში გაგრძელდა. ნოტარიუსთა პალატის მიერ ორგანიზებული შეხვედრები უკვე გაიმართა მუხაესტატეს, კაჭრეთისა და კაბალის საზოგადოებრივ ცენტრებში. ჩაქვში მოსახლეობასთან შეხვედრის ერთ-ერთი მთავარი თემა სამკვრიდრო მოწმობის მიღება იყო. სამკვიდრო მოწმობა აუცილებელი დოკუმენტია მემკვიდრეობით დანატოვარი ქონების საკუთრებაში მისაღებად. აღნიშნული დოკუმენტის მიღების წესის, ვადების, მემკვიდრის ვალდებულებების არცოდნა ხშირად მოქალაქეებს სერიოზულ პრობლემებს უქმნის. საინტერესოა, რომ სამკვდრო მოწმობის გაცემა ნოტარიუსის ექსკლუზიური უფლებაა. დოკუმენტის მისაღებად განაცხადის წარდგენა კი საქართველოს ტერიტორიაზე მოქმედ ნებისმიერ ნოტარიუსთან არის შესაძლებელი.