ნოტარიუსის დისტანციური მომსახურებით 50 000-ზე მეტმა მოქალაქემ ისარგებლა

ნოტარიუსების დისტანციური მომსახურებით სარგებლობა წლიდან წლამდე სულ უფრო პოპულარული ხდება. 2016 წლის განმავლობაში skype-ის მეშვეობით 47 998 რწმუნებულება და მინდობილობა გაფორმდა. ამავე საშუალებით გასულ წელს 6 982 განცხადება დადასტურდა.
2015 წელთან შედარებით, 2016 წელს შედგენილი სანოტარო აქტების სტატისტიკა 5%-ით გაიზარდა. მათი საერთო რაოდენობა 1 481 575-ს შეადგენს.
მოქალაქეები სანოტარო ბიუროებს ყველაზე ხშირად დოკუმენტის თარგმანზე დიპლომირებული მთარგმნელის ხელმოწერის დამოწმებისათვის მიმართვენ. 2016 წელს ამ ტიპის 446 923 აქტი შედგა. სხვა სტატისტიკა ასეთია: დოკუმენტის ასლის დამოწმება - 295 911; რწმუნებულობის/მინდობილობის დამოწმება - 247 015; ხელმოწერის ნამდვილობის დამოწმება - 213 927; სამკვიდროს მოწმობის გაცემა - 27 198 და სხვ