ნოტარიუსებს ქონების უფლების რესგიტრაციისთვის უკვე აქტიურად მიმართავენ

ქონების უფლების რეგისტრაციისთვის მოქალაქეები უკვე სანოტარო ბიუროებსაც აქტიურად მიმართავენ. ნოტარიუსებს ქონების უფლების რეგისტრაციის ფუნქცია, საჯარო რეესტრის ეროვნული სააგენტოს პარალელურად, 2012 წლის მარტიდან მიენიჭათ. ახალი ფუნქციის განხორციელება ნოტარიუსებმა შესაბამისი სწავლების გავლის შემდეგ დაიწყეს.
აღნიშნული სიახლე მოქალაქეს საშუალებას აძლევს სანოტარო ბიუროში მომსახურება ერთ სივრცეში მიიღოს, მაგალითად, ნოტარიუსთან გარიგების გაფორმებისას მას ქონებაზე საკუთრების უფლების რეგისტრაციისთვის აღარ უწევს  საჯარო რეესტრში მისვლა. ნოტარიუსი თვითონ ახდენს ქონების უფლების  რეგისტრაციას და გასცემს ამონაწერს.
ამასთან, ნოტარიუსთან დაჩქარებული მომსახურებისას საფასური არ იზრდება, ქონების უფლების რეგისტრაცის საზღაური მხოლოდ 50 ლარია.