ნოტარიუსებმა და მოსამართლეებმა ერთმანეთს პროფესიული გამოცდილება გაუზიარეს

საქართველოს ნოტარიუსთა პალატის სასწავლო ცენტრის ორგანიზებით, ნოტარიუსებისთვის ჩატარდა სემინარი - „სასამართლო პრაქტიკის განზოგადება ნოტარიატში“.
სემინარს უძღვებოდნენ უზენაესი სასამართლოს მოსამართლე ნუნუ კვანტალიანი და თბილისის საქალაქო სასამართლოს მოსამართლე დიანა ბერეკაშვილი.
შეხვედრაზე განიხილეს საკითხები, რაც ნოტარიუსებს სასამართლოსთან ურთიერთობასა და შესაბამისად, სანოტარო საქმიანობის განხორციელაში დაეხმარება; კერძოდ, იმსჯელეს სამემკვიდრეო საქმეებთან, გარიგებებთან დაკავშირებულ საკითხებზე.
სემინარი მიზნად ისახავდა, ასევე, მოსამართლეებისა და ნოტარიუსთა პროფესიული გამოცდილების გაზიარებას.