ნოტარიუსებისთვის სემინარებს ნოტარიუსთა საერთაშორისო კავშირის წარმომადგენელი ატარებს

სასტუმრო „Rooms Hotel Tbilisi“-ში ნოტარიუსებისთვის დაიწყო სწავლება თემაზე: „ნოტარიუსის პროფესიული ვალდებულებები და ეთიკის სტანდარტები’’.

სწავლება ერთი კვირის განმავლობაში გაგრძელდება და მას საქართველოს ტერიტორიაზე მოქმედი ყველა ნოტარიუსი გაივლის.

სემინარებს  ნოტარიუსთა საერთაშორისო კავშირის წარმომადგენელი მიშელ მერლოტი ატარებს.

საქართველოში ნოტარიუსთა პროფესიული ეთიკის სტანდარტები ეთიკის კოდექსით არის განსაზღვრული. ეთიკის კოდექსი ნოტარიუსებმა 2011 წლის 6 ოქტომბერს მიიღეს. იგი, ქართულ კანონმდებლობასთან ერთად,  ლათინური ნოტარიატის პრინციპებზეც არის  დაფუძნებული.

აღნიშნული სემინარები  საქართველოს ნოტარიუსთა პალატის სასწავლო ცენტრის ორგანიზებით ტარდება. სწავლება სავალდებულოა და სანოტარო მომსახურების ხარისხის, ეფექტურობის გაზრდას უწყობს ხელს.