სანოტარო ბიუროს თანამშრომელთათვის „ეფექტურ მომსახურებასა და კომუნიკაციაში“ სწავლება გრძელდება

საქართველოს ნოტარიუსთა პალატის სასწავლო ცენტრი სანოტარო ბიუროს თანამშრომლებისთვის „ეფექტურ მომსახურებასა და კომუნიკაციაში“ სწავლებას აგრძელებს.
სწავლების კურსი სამდღიანია და თეორიულთან ერთად, პრაქტიკულ მუშაობასაც მოიცავს. სასწავლო კურსის გავლა სანოტარო ბიუროს თანამშრომლებს ეფექტური მომსახურებისა და კომუნიკაციისთვის საჭირო პრაქტიკული უნარ-ჩვევების გამომუშავებაში დაეხმარება და შესაბამისად, სანოტარო ბიუროებში მოქალაქეთა მომსახურების გაუმჯობესებას შეუწყობს ხელს.
„ეფექტურ მომსახურებასა და კომუნიკაციაში“ სწავლებას საქართველოში მოქმედი ყველა სანოტარო ბიუროს თანამშრომელი გაივლის.