თიანეთის მოსახლეობისთვის სანოტარო მოქმედებები ადგილზე შესრულდა

საქართველოს ნოტარიუსთა პალატამ იმ რეგიონებში, სადაც სანოტარო ბიურო არ მოქმედებს, ადგილობრივი მოსახლეობისთვის დაიწყო აქცია -  ნოტარიუსები აღნიშნულ რეგიონებში ჩავლენ და სანოტარო მოქმედებებს ადგილზე შეასრულებენ.
პირველი ასეთი აქცია თიანეთის რაიონში ჩატარდა. აღნიშნულმა წამოწყებამ რაიონის მოსახლეობის  დაინტერესება გამოიწვია.  ნოტარიუსებმა ადგილობრივ მცხოვრებელებს სანოტარო აქტები  დაუმოწმეს და  სამართლებრივი კონსულტაციებიც გაუწიეს.
როგორც ნოტარიუსთა პალატის თავმჯდომარემ ნინო ხოფერიამ განაცხადა, ნოტარიუსთა პალატა მსგავს აქციას მომავალშიც განაგრძობს, ნოტარიუსები იმ რეგიონებში, სადაც სანოტარო ბიურო არ მოქმედებს, პერიოდულად ჩავლენ და მოსახლეობას ადგილზე მოემსახურებიან.