ნოტარიუსთა პალატის წარმომადგენლებმა 9 აპრილის მემორიალი ყვავილებით შეამკეს

საქართველოს ნოტარიუსთა პალატის წარმომადგენლებმა 1989 წლის 9 აპრილს საქართველოს დამოუკიდებლობისთვის დაღუპულ გმირებს პატივი მიაგეს და შოთა რუსთაველის გამზირზე 9 აპრილის მემორიალი ყვავილებით შეამკეს.

25 წელი გავიდა 1989 წლის 9 აპრილის ტრაგედიიდან, როდესაც რუსთაველის გამზირზე, მაშინდელი მთავრობის სასახლის წინ, საბჭოთა კავშირის სპეციალური დანიშნულების რაზმმა მშვიდობიანი მომიტინგეები დაარბია. საქართველოს დამოუკიდებლობისა და თავისუფლებისთვის ბრძოლას 21 ადამიანი ემსხვერპლა.

1991 წელს 9 აპრილი საქართველოს სახელმწიფოებრივი დამოუკიდებლობის აღდგენის დღედ გამოცხადდა.