ნოტარიუსთა პალატამ მზრუნველობამოკლებულ პატარებს "მხიარული სტარტები" მოუწყო

საქართველოს ნოტარიუსთა პალატამ, გიორგობის დღესასწაულთან დაკავშირებით, პროექტ „ჯანმრთელი ცხოვრების წესის“ ფარგლებში, მზრუნველობამოკლებული პატარებისთვის „მხიარული სტარტები” მოაწყო. ღონისძიებას ძიუდოში ოლიმპიური ჩემპიონი ზურაბ ზვიადაური და საქართველოს საკალათბურთო ნაკრების წევრი კოტე ტუღუშიც შეუერთდნენ.
თბილისის ბავშვთა სახლის აღსაზრდელები 53-ე სკოლის მოსწავლეებს შეეჯიბრნენ. "მხიარული სტარტები" ბავშვთა სახლის აღსაზღდელთა გუნდის სასარგებლოს დასრულდა. 
შეჯიბრის მონაწილე გუნდები ნოტარიუსთა პალატამ სამახსოვრო თასებით დააჯილდოვა და საჩუქრებიც გადასცა.
საქართველოს ნოტარიუსთა პალატა საქველმოქმედო ღონისძიებებს ხშირად აწყობს. პალატის წარმომადგენლებმა წელს, მარიამობის დღესასწაულთან დაკავშირებით, თბილისის ჩვილ ბავშვთა სახლის აღსაზრდელები „მთაწმინდის პარკში“ გაასეირნეს; მზრუნველობამოკლებულ ბავშვთა სააღმზრდელო დაწესებულება „მომავლის სახლს“ კი სასექტემბროდ სასწავლო ნივთები და მინანქრის გამოსაწვავი ღუმელი გადასცეს.