ნოტარიუსთა პალატა ნოტარიუსობის მსურველთათვის სტაჟიორთა კონკურსს აცხადებს

საქართველოს ნოტარიუსთა პალატა აცხადებს ნოტარიუსობის მსურველთათვის სტაჟიორთა მისაღებ კონკურსს. კონკურსი ჩატარდება ამა წლის 29 მაისს ტესტირების ფორმით ზოგად უნარებში. საბუთები მიიღება მიმდინარე წლის  30 აპრილიდან  23 მაისის ჩათვლით.
კონკურსზე გამარჯვებულები სტაჟირებას გაივლიან ნოტარიუსთა პალატის სასწავლო ცენტრში. სტაჟირება რვათვიანია და მოიცავს სწავლების როგორც თეორიულ, ასევე პრაქტიკულ კურსს.

კონკურსის პირობები და კანდიდატისათვის წაყენებული მოთხოვნები:

კონკურსი ჩატარდება ტესტირების ფორმით ზოგად უნარებში.
2. სტაჟირების კონკურსში მონაწილეობის უფლება აქვს საქართველოს მოქალაქეს, ქმედუნარიან პირს, რომელსაც აქვს უმაღლესი იურიდიული განათლება;
3. პირები, რომელთაც ჩაბარებული აქვთ ნოტარიუსთა საკვალიფიკაციო გამოცდა, ჩაირიცხებიან უგამოცდოდ.

წარსადგენი დოკუმენტები:
ა) უმაღლესი იურიდიული განათლების დამადასტურებელი დოკუმენტის ასლი;
ბ) სააპლიკაციო ფორმა (იხ. დანართი)
გ) პირადობის დამადასტურებელი დოკუმენტის ასლი;
დ) ორი ფოტოსურათი (ზომით 3X4).

კონკურსში მონაწილეობის მისაღებად სტაჟირების გავლის მსურველმა პირმა ზემოთ აღნიშნული საბუთები უნდა წარადგინოს  ელექტრონული ფორმით შემდეგ ელექტრონულ მისამართზე: tjalagania@notary.ge  ან  ნოტარიუსთა პალატის სამდივნოში, მის: ქ. თბილისი,  აკ.წერეთლის გამზ. №142.   
არასრული საბუთების წარდგენის შემთხვევაში მსურველები კონკურსზე არ დაიშვებიან.

სტაჟირება ფასიანია და საფასური განისაზღვრება 600 ლარით. აღნიშნულ თანხას სტაჟიორი იხდის სასწავლო ცენტრში სწავლების დაწყებამდე არაუგვაინეს ორი დღით ადრე.

სააპლიკაციო ფორმა