ნოტარიუსთა ონლაინრეჟიმში მომსახურებამ მოქალაქეთა დიდი დაინტერესება გამოიწვია

სანოტარო საქმიანობაში დარეგილმა სიახლემ, რომელიც უცხოეთში მყოფ  მოქალაქეს საშუალებას აძლევს, ნებისმერი სახის თანხმობა ნოტარიულად ონლაინრეჟიმში დაამოწმოს, მოქალაქეთა განსაკუთრებული დაინტერესება გამოიწვია. ნოტარიუსები დღეში, საშუალოდ, სამ მოქალაქეს ემსახურებიან.
აღნიშნული სიახლე 2010 წლის 20 იანვრიდან დაინერგა. „საქართველოს იუსტიციის მინისტრის 2010 წლის 20 იანვრის ბრძანების საფუძველზე, ცვლილება შევიდა „სანოტარო მოქმედებათა შესრულების წესის შესახებ“ ინსტრუქციაში, რის საფუძველზეც, უცხოეთში მყოფ მოქალაქეს ნებისმერი სახის თანხმობის, ასევე, მემკვიდრეობის მიღებაზე უარის ნოტარიულად დამოწმება, ონლაინრეჟიმში, ვიდეოთვალის მეშვეობით, შეუძლია. მაგალითად, უცხოეთში მყოფ მამას, როცა მის არასრულწლოვ შვილს პასპორტის ასაღებად მამის ნოტარიულად დამოწმებული თანხმობა სჭორდება, შეუძლია, ინტერნეტით, ვიდეოთვალის მეშვეობით დაუკავშირდეს ნოტარიუსს და ონლაინრეჟიმში დაადასტუროს თავისი თანხმობა. ნოტარიუსი, აღნიშნული პიროვნების იდენტიფიცირებსა და პირადობის დადასტურების შემდეგ, დაამოწმებს მშობლის თანხმობას. მშობლის მაგივრად თანხმობაზე ხელის მოწერა მის მიერ არჩეულ პირს შეუძლია.
საქართველო პირველი ქვეყანაა, სადაც ონლაინრეჟიმში მსგავსი მომსახურება დაინერგა. აღნიშნული სიახლე უცხოეთში მყოფ მოქალაქეს  დროისა და ზედმეტი ხარჯის დაზოგვის საშუალებას აძლევს.