საქართველოს ნოტარიუსთა პალატის არქივში დაჩქარებული მომსახურება დაინერგა

საქართველოს ნოტარიუსთა პალატის არქივი მომსახურების დაჩქარებულ პრინციპზე გადავიდა. დაჩქარებული მომსახურება მოქალაქეს საშუალებას მისცემს, მისთვის საჭირო დოკუმენტი დროულად მიიღოს. აღნიშნული სიახლე „სანოტარო მოქმედებათა შესრულებისთვის საზღაურის შესახებ“ საქართველოს კანონში ცვლილებებისა და დამატებების შეტანის თაობაზე“ კანონის საფუძველზე დაინერგა. დასახელებული კანონის თანახმად, საქართველოს ნოტარიუსთა პალატის არქივის მომსახურების საფასური  განცხადების შეტანის დღესვე 30 ლარი გახდა, ერთ სამუშაო დღეში – 20 ლარი, 4 სამუშაო დღის ვადაში – 10 ლარი.