საქართველოს ნოტარიუსთა პალატა ოქტომბრის თვეში 4 500–მდე მოქალაქეს მოემსახურა

საქართველოს ნოტარიუსთა პალატა გასულ თვეში 4 500–მდე მოქალაქეს მოემსახურა. მათგან 3000–მდე მოქალაქეს სამართლებრივი კონსულტაცია გაუწია. დაინტერესებულ პირებს საქართველოს ნოტარიუსთა პალატაში კონსულტაციის მიღება ადგილზე მისვლით და ცხელი ხაზის საშუალებით (94 06 13), ტელეფონითაც შეუძლიათ. მოქალაქეებს რჩევები, ძირითადად, მემკვიდრეობის მიღებასთან, სანოტარო მოქმედების საზღაურსა და ნოტარიუსისთვის წარსადგენ დოკუმენტებთან დაკავშირებით სჭირდებათ.
საქართველოს ნოტარიუსთა პალატის არქივი კი 1500–მდე მოქალაქეს მოემსახურა. მოქალაქეები არქივს, უმთავრესად, გათავისუფლებული ნოტარიუსების მიერ გაცემული სანოტარო აქტების ასლების დამოწმებისთვის აკითხავენ.