ნოტარიუსთა პალატამ მოსახლეობას ანგარიში ჩააბარა

თბილისში, 5 სექტემბერს რუსთაველის გამზირზე მოწყობილ აქციაში, სახელწოდებით - "მთავრობის ანგარიში მოსახლეობას", იუსტიციის სამინისტროსა და მასში შემავალ საჯარო სამართლის იურიდიულ პირებთან ერთად, მონაწილეობდა საქართველოს ნოტარიუსთა პალატა.  აქციის ფარგლებში, დღის 12.00 საათიდან საღამოს 17.00 საათამდე რუსთაველის გამზირი გადაკეტილი იყო, სადაც ყველა სამინისტროს სპეციალური პავილიონები ჰქონდა მოწყობილი. ნოტარიუსთა პალატამ მოსახლეობას ანგარიში ჩააბარა იმ ძირითად მიღწევებთან და სიახლეებთან დაკავშირებით, რაც ნოტარიატში  წლების განმავლობაში დაინერგა.