საქართველოს ნოტარიუსთა პალატამ საერთაშორისო კონფერენციაში მიიღო მონაწილეობა

საერთაშორისო კონფერენციის თემა იყო ,,ნოტარიატის განვითარების პერსპექტივები“.  ღონისძიებაზე განიხილეს პროფესიულ საქმიანობასთან დაკავშირებული თემები და იმსჯელეს სანოტარო სფეროს განვითარების პერსპექტივებზე. კონფერენციაში ევროკავშირის ნოტარიუსთა საბჭოს წევრი პალატების დელეგაციებთან ერთად, საქართველოს ნოტარიუსთა პალატის გამგეობის წევრები დავით ფუტკარაძე, რომან კოსტანიანი, ირმა გოგია და ნოტარიუსი თათია გელაძეც მონაწილეობდნენ.

 

საქართველოს ნოტარიუსთა პალატის დელეგაციების ჩართულობა მსგავს ღონისძიებებში ხელს უწყობს როგორც ორმხრივი, ასევე მრავალმხრივი საერთაშორისო ურთიერთობების გაღრმავებას და სანოტარო სერვისების საერთაშორისო სტანდარტების შესაბამისად განვითარებას.

 

ერევანში გამართული საერთაშორისო კონფერენცია სომხეთის რესპუბლიკის ნოტარიუსთა პალატის 20 წლის იუბილეს მიეძღვნა.