ნოტარიუსობის მსურველთათვის სტაჟირების კონკურსის შედეგები

ნოტარიუსობის მსურველთათვის სტაჟირების კონკურსზე გამსვლელი 70 ქულა 20-მა კონკურსანტმა გადალახა. ტესტირება ზოგად უნარებში ჩატარდა. სტაჟიორები ნოტარიუსთა პალატის სასწავლო ცენტრში სწავლებას რვა თვის განლავლობაში გაივლიან. სტაჟირება მოიცავს როგორც თეორიულ, ასევე პრაქტიკულ კურსს. თეორიული სწავლება ითვალისწინებს სანოტარო საქმიანობის მომწესრიგებელი სამართლებრივი ნორმებისა და ნოტარიუსად მუშაობისთვის აუცილებელი უნარ-ჩვევების შესწავლას, პრაქტიკულ კურს კი სტაჟიორები სანოტარო ბიუროებში, საჯარო რეესტრის ეროვნულ სააგენტოში, სამოქალაქო რეესტრში, აღსრულების ეროვნულ ბიუროსა და მომსახურების სააგენტოში გაივლიან.