ნოტარიუსთა პალატამ იუსტიციის მინისტრს საქმიანობის ანგარიში წარუდგინა

საქართველოს ნოტარიუსთა პალატამ, იუსტიციის სამინისტროს სრუქტურულ ქვედანაყოფებთან და  საჯარო სამართლის იურიდიულ პირებთან ერთად, იუსტიციის მინისტრს პალატის მიერ გაწეული საქმიანობის ანგარიში და სამომავლო გეგმები წარუდგინა. შეხვედრა  ბათუმში შედგა.
პალატის თამჯდომარემ ნინო ხოფერიამ სანოტარო საქმიანობაში დანერგილ სიახლეებზე გაამახვილა ყურადღება. „ნოტარიუსთა პალატის მთავარ სტრატეგიულ მიზანს მოქალაქეზე ორიენტირებული მომსახურება წარმოადგენს. ყველა მნიშვნელოვანი სიახლე და ნოვაცია, რაც სანოტარო მომსახურებაში დაინერგა, მიმართულია იქითკენ, რომ მოქალაქეებმა კომპეტენტური, ეფექტური, ხარისხიანი და სწრაფი სანოტარო მომსახურება მიიღონ,“ - აღნიშნა ხოფერიამ.
პრეზენტაციაზე საუბარი იყო, აგრეთვე, ნოტარიუსთა პალატის მიერ სამომავლოდ დაგეგმულ ღონისძიებებზე, კერძოდ, ონლაინმომსახურების, ელექტრონული საქმისწარმოების გაფართოებაზე, რაც ასევე მოქალაქეთა მომსახურების გაუმჯობესებას შეუწყობს ხელს.