სემინარზე „სანოტარო მოქმედებათა შესრულების წესის შესახებ“ ახალი ინსტრუქცია განიხილეს

საქართველოს ნოტარიუსთა პალატამ 9–10 აპრილს სასტუმრო „სიმპათიაში“ ნოტარიუსებისთვის შეხვედრა–სემინარი გამართა. შეხვედრას როგორც თბილისის, ასევე რაიონების ნოტარიუსები დაესწრნენ. სემინარზე
„სანოტარო მოქმედებათა შესრულების წესის შესახებ“ ახალი ინსტრუქცია განიხილეს. 
2010 წლის 1 აპრილიდან ძალაში შევიდა „სანოტარო მოქმედებათა შესრულების წესის შესახებ“ ახალი ინსტრუქცია, რომელიც შესაბამისობაში მოვიდა „ნოტარიატის შესახებ“ ახალ კანონთან.  ინსტრუქციაში გათვალისწინებულია აღნიშნული კანონით განსაზღვრული ყველა სიახლე, რომელიც მოქალაქეთა მომსახურების გამარტივებას ისახავს მიზნად.
აღნიშნული ინსტრუქცია საქართველოს ნოტარიუსთა პალატის გამგეობამ შეიმუშავა. მასში გათვალისწინებულია ნოტარიუსთა მიერ გამოთქმული შენიშვნებიც.